السلام عليكم
انا بقالي فتره كبيره بعيده بس قريبه
يعني مش بكتب حاجه بس بتابع الناس من بعيد
كان عندي حاله كده غريبه بس الحمد لله عدت
انا دلوقتي عايزه اتكلم عن احلامنا الحلوه
كل واحد منا عنده احلام بيحلمها سواء صاحي او نايم
طيب نايم وعارفنها طيب حد بيحلم وهو صاحي؟
ايوه حاجه اسمها احلام اليقظه تلاقي نفسك سرحت ومخك جاب خيالات جميله
واحلام ورديه
بس ليه لما احلامنا بتبتدي تتحق بنخاف لحسن تكون احلام
ليه ممكن نقلق ان الحلم يروح مننا ليه بنخاف نفرح ليه بنحتل الهم
ونعيش كابوس بدل مانفرح بأيامنا الحلوه
ياترى عشان بنخاف نفرح تعرفوا انا لما حد يفرح شويه ويضحك
ييرجع علطول ويقول خير اللهم خير
ليه بقينا نخاف من الفرح ولما نزعل ويحصل نكد
نعيشه على اكمل وجه
ومش بنرميه وراء ظهرنا ونكمل حياتنا
لان حياتنا فيها الجميل اللي نقدر نعيشه
يلا نغير حياتنا ونمسك في احلامنا وافراحنا
ونبعد عن النكد والزعل
وربنا يجعل ايامكم افراح في افراح
حور الجنه
